KIDUNG RAMAYANA BALET
Ring taman ida mebawos
Sareng dewi sita
Kairing antuk trune laksa mana
Pirang kunang lawas ire
Sang rame mangemban istri
Ring dandaka taman
Angeton ke ayun sarwe sari
Menawi saking dewate
Wisnu seri manumadi
Dewi site ngucap
Rimg ide sang prabu rama dewa
SITA SEDIH
Beli agung rama dewa
Juk kidange punika
Yan tan keniang kidang emas
Tan urungan tityang lampus
De adi manyebetang
Beli tware mangewehang
Ngaliang adi kidang emas
Jumah adi juwe malungguh
Laksmana kanikayang
Mangemit dewi sita
Satuduh tan purun tulak
Sang rama raris lumaku
GERONG MATIN JATAYU
Ih regawa sampunang parikosa
Tityang jatayu lara
Kantin prabu dasa rata
Sang jenaki, ke awa ring akasa
Kepandung wiratkara
Rahwana dusta
Duh jatayu, mitra kasihingunang
Pati matohang urip,
Swarga loka dinunung
GERONG DAYANG
Ingek ingek sade nayog
Ingek ingek sade nayog
Madya ramping mageloran
Pamulune nyandat gading
Kenyunge mangulum madu,
Untu nyalang ngti bangbang,
Seledete mekadi tatit,
Susu nyangke mageloran
Ingek ingek sade nayog
Ingek ingek sade nayog
Cokor mameros mamudak,
Isite ngembang rijase,
Untu nyalang nyeridante,
Susu nyangke mageloran,
Pemargine sade banban,
Ngasorang nyuh gading kembar
Tidak ada komentar:
Posting Komentar